Bangalore Coronavirus: ಬೆಂಗಳೂರಿಗರೇ ಎಚ್ಚರ!; ನಿಮ್ಮ ಏರಿಯಾದಲ್ಲಿರುವ ಕೊರೋನಾ ಸೋಂಕಿತರ ಬಗ್ಗೆ ಇಲ್ಲಿದೆ ಮಾಹಿತಿ…
ಬೆಂಗಳೂರು (ಏ. 15): ಕರ್ನಾಟಕದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ರಾಜ್ಯದಲ್ಲಿ ಇದುವರೆಗೂ 277 ಸೋಂಕಿತ ಪ್ರಕರಣಗಳು ದಾಖಲಾಗಿವೆ, 11 ಜನರು ಮೃತಪಟ್ಟಿದ್ದಾರೆ. ಕೊರೋನಾ ವೈರಸ್ಗೆ ತುತ್ತಾಗಿರುವ ಜಿಲ್ಲೆಯ ಪೈಕಿ ರಾಜ್ಯದ ರಾಜಧಾನಿ ಬೆಂಗಳೂರು ಮೊದಲ ಸ್ಥಾನದಲ್ಲಿದೆ. ಬೆಂಗಳೂರಿನಲ್ಲಿ 71 ಜನರಿಗೆ ಕೊರೋನಾ ಸೋಂಕು ತಗುಲಿದ್ದು, ಕೆಲವು ವಾರ್ಡ್ಗಳನ್ನು ಹಾಟ್ಸ್ಪಾಟ್ಗಳಾಗಿ ಗುರುತಿಸಲಾಗಿದೆ.
ಬೆಂಗಳೂರಿನ ಈ ಹಾಟ್ಸ್ಪಾಟ್ಗಳಲ್ಲಿ ಇರುವವರು ಮನೆಯಿಂದ ಹೊರ ಬರುವ ಮುನ್ನ ಒಮ್ಮೆ ಯೋಚಿಸಿ. ಸಿಲಿಕಾನ್ ಸಿಟಿಯಲ್ಲಿ ಪ್ರಮುಖವಾಗಿ 8 ವಾರ್ಡ್ಗಳನ್ನು ಹಾಟ್ಸ್ಪಾಟ್ ಎಂದು ಪರಿಗಣಿಸಲಾಗಿದೆ. ಅದಕ್ಕೆ ಕಾರಣವೂ ಇದೆ. ಈ ವಾರ್ಡ್ಗಳಲ್ಲಿರುವ ಕೊರೋನಾ ಸೋಂಕಿತ ರೋಗಿಗಳು ಸಾಕಷ್ಟು ಜನರೊಂದಿಗೆ ಸಂಪರ್ಕ ಹೊಂದಿದ್ದಾರೆ. ಹೀಗಾಗಿ, ಆ ಸಂಪರ್ಕಿತರಿಗೆ ಒಂದುವೇಳೆ ಕೊರೋನಾ ಪಾಸಿಟಿವ್ ಇದ್ದರೆ ಸುಲಭವಾಗಿ ಇಡೀ ಏರಿಯಾದಲ್ಲಿ ಕೊರೋನಾ ಹರಡುತ್ತದೆ. ಹೀಗಾಗಿ, ಈ ವಾರ್ಡ್ಗಳಲ್ಲಿ ವಾಸವಾಗಿರುವವರು ಹೆಚ್ಚು ಎಚ್ಚರಿಕೆಯಿಂದ ಇರಬೇಕು.
ಬೆಂಗಳೂರಿನ ಕೊರೋನಾ ಸೋಂಕಿತರ ಪೈಕಿ 50 ಜನರಿಗಿಂತ ಹೆಚ್ಚು ಜನರ ಜೊತೆ ಒಡನಾಟ ಹೊಂದಿರುವವರನ್ನು ಬಿಬಿಎಂಪಿ ಪಟ್ಟಿ ಮಾಡಿದೆ. ಆ ಸಂಪರ್ಕಿತರ ಮೇಲೆ ಕೂಡ ನಿಗಾ ವಹಿಸಲಾಗಿದೆ. ಯಾವ ವಾರ್ಡ್ನಲ್ಲಿ ಎಷ್ಟು ಕೊರೋನಾ ಶಂಕಿತರಿದ್ದಾರೆ ಎಂಬ ಮಾಹಿತಿ ಇಲ್ಲಿದೆ.