ಕಲಬುರಗಿ ಐಟಿಎಫ್ ಓಪನ್ ಟೆನಿಸ್ ಟೂರ್ನಿ | ಡಬಲ್ಸ್ ನಲ್ಲಿ ಎಡವಿದ್ದ ಕನ್ನಡಿಗ ಪ್ರಜ್ವಲ್ ಸಿಂಗಲ್ಸ್‌ನಲ್ಲಿ ಜಯಭೇರಿ | Kalaburagi ITF Open Tennis Tournament
ಕಲಬುರಗಿ : ಡಬಲ್ಸ್ ಪಂದ್ಯದಲ್ಲಿ ತನ್ನ ಆಟದಲ್ಲಿ ಹಿನ್ನಡೆ ಅನುಭವಿಸಿದ್ದ ಕನ್ನಡಿಗ ಎಸ್. ಡಿ. ಪ್ರಜ್ವಲ್ ದೇವ್, ಸಿಂಗಲ್ಸ್ ನಲ್ಲಿ ಜಪಾನ್ ಆಟಗಾರನ ವಿರುದ್ಧ ಮಿಂಚಿನ ಆಟವಾಡಿ ಮುನ್ನಡೆ ಸಾಧಿಸಿದ್ದಾರೆ.
ಐಟಿಎಫ್ ಕಲಬುರಗಿ ಪುರುಷರ ಓಪನ್ ಟೆನಿಸ್ ಟೂರ್ನಿಯಲ್ಲಿ 28ರ ಹರೆಯದ ಮೈಸೂರಿನ ಎಸ್. ಡಿ. ಪ್ರಜ್ವಲ್ ದೇವ್ ಬುಧವಾರ ನಡೆದ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ಜಪಾನಿನ ಕಝುಕಿ ನಿಶಿವಾಕಿ ಅವರನ್ನು 6-2, 6-3 ನೇರ ಸೆಟ್‌ಗಳ ಅಂತರದಲ್ಲಿ ಸೋಲಿಸಿದರು.
ಪ್ರಜ್ವಲ್ 2ನೇ ಸುತ್ತಿನಲ್ಲಿ ಎರಡನೇ ಶ್ರೇಯಾಂಕದ ರಷ್ಯಾದ ಬೋಗ್ಡಾನ್ ಬೋಬ್ರವ್ ಅವರೊಂದಿಗೆ ಹಣಾಹಣಿ ನಡೆಸಲಿದ್ದಾರೆ.
