IND vs WI: ಕೊನೆಯ 2 ಟಿ20 ಪಂದ್ಯಗಳಿಗೆ ಅಮೇರಿಕಾ ಆತಿಥ್ಯ; ಯಾವ ದಿನದಂದು ನಡೆಯಲ್ಲಿವೆ ಈ ಪಂದ್ಯಗಳು? – Kannada News | IND vs WI Central Broward Regional Park Know all about IND vs WI last 2 T20I venue

By Special Correspondent On Aug 10, 2023

IND vs WI: ಸರಣಿಯ ಮೊದಲ ಮೂರು ಪಂದ್ಯಗಳಿಗೆ ವೆಸ್ಟ್ ಇಂಡೀಸ್ ಆತಿಥ್ಯವಹಿಸಿದ್ದರೆ, ಉಳಿದ ಎರಡು ಪಂದ್ಯಗಳಿಗೆ ಅಮೇರಿಕಾ ಆತಿಥ್ಯವಹಿಸುತ್ತಿದೆ. ಹೀಗಾಗಿ ಮೂರನೇ ಟಿ20 ಪಂದ್ಯವನ್ನು ಆಡಿದ ಬಳಿಕ ಹಾರ್ದಿಕ್ ಪಡೆ ಇಂದು ಅಂದರೆ, ಆಗಸ್ಟ್ 10 ರಂದು ಅಮೇರಿಕಾಗೆ ಪ್ರಯಾಣ ಬೆಳೆಸುತ್ತಿದೆ.

ಸತತ ಎರಡು ಟಿ20 ಪಂದ್ಯಗಳಲ್ಲಿ ಸೋಲನುಭವಿಸಿದ್ದಟೀಂ ಇಂಡಿಯಾ ಮೂರನೇ ಪಂದ್ಯದಲ್ಲಿ ಗೆಲುವು ಸಾಧಿಸುವ ಮೂಲಕ ಮತ್ತೆ ಗೆಲುವಿನ ಲಯಕ್ಕೆ ಮರಳಿತ್ತು. ಇದರೊಂದಿಗೆ ಐದು ಪಂದ್ಯಗಳ ಟಿ20 ಸರಣಿ 2-1 ಅಂತರದಿಂದ ರೋಚಕತೆ ಸೃಷ್ಟಿಸಿದೆ.

ಸರಣಿಯ ಮೊದಲ ಮೂರು ಪಂದ್ಯಗಳಿಗೆ ವೆಸ್ಟ್ ಇಂಡೀಸ್ ಆತಿಥ್ಯವಹಿಸಿದ್ದರೆ, ಉಳಿದ ಎರಡು ಪಂದ್ಯಗಳಿಗೆ ಅಮೇರಿಕಾ ಆತಿಥ್ಯವಹಿಸುತ್ತಿದೆ. ಹೀಗಾಗಿ ಮೂರನೇ ಟಿ20 ಪಂದ್ಯವನ್ನು ಆಡಿದ ಬಳಿಕ ಹಾರ್ದಿಕ್ ಪಡೆ ಇಂದು ಅಂದರೆ, ಆಗಸ್ಟ್ 10 ರಂದು ಅಮೇರಿಕಾಗೆ ಪ್ರಯಾಣ ಬೆಳೆಸುತ್ತಿದೆ.

ಗುರುವಾರ ಅಮೇರಿಕಾಗೆ ಆಗಮಿಸಲಿರುವ ಟೀಂ ಇಂಡಿಯಾ ಉಳಿದೆರಡು ಪಂದ್ಯಗಳನ್ನು ಗೆದ್ದರೆ ಮಾತ್ರ ಟಿ20 ಸರಣಿಯನ್ನು ತನ್ನದಾಗಿಸಿಕೊಳ್ಳಲಿದೆ. ಇತ್ತ ವೆಸ್ಟ್ ಇಂಡೀಸ್ ಇನ್ನೊಂದು ಪಂದ್ಯದಲ್ಲಿ ಗೆದ್ದರೆ ಟಿ20 ಸರಣಿಯನ್ನು ತನ್ನದಾಗಸಿಕೊಳ್ಳಲಿದೆ.

ಇನ್ನು ಶುಕ್ರವಾರ ಐಚ್ಛಿಕ ತರಬೇತಿ ನಡೆಸಲ್ಲಿರುವ ಹಾರ್ದಿಕ್ ಪಡೆ ಅಮೇರಿಕಾದ ಫ್ಲೋರಿಡಾದಲ್ಲಿ ಕೊನೆಯ ಎರಡು ಪಂದ್ಯಗಳನ್ನು ಆಡಲಿದೆ. ಈ ಹಿಂದೆ ಇದೆ ಮೈದಾನದಲ್ಲಿ ಮೇಜರ್ ಲೀಗ್ ಕ್ರಿಕೆಟ್ ನಡೆದಿತ್ತು. ಆ ಸಮಯದಲ್ಲಿ ಅಪಾರ ಪ್ರಮಾಣದ ಪ್ರೇಕ್ಷರು ಪಂದ್ಯಕ್ಕೆ ಸಾಕ್ಷಿಯಾಗಿದ್ದರು. ಹೀಗಾಗಿ ಭಾರತ ತಂಡವನ್ನು ಹುರಿದುಂಬಿಸಲು ಪ್ರೇಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಬರುವ ನಿರೀಕ್ಷೆಯಿದೆ.

ಉಭಯ ತಂಡಗಳ ನಾಲ್ಕನೇ ಟಿ20 ಪಂದ್ಯ ಆಗಸ್ಟ್ 12 ರಂದು ಫ್ಲೋರಿಡಾದಲ್ಲಿ ನಡೆಯಲ್ಲಿದ್ದು, ಭಾರತೀಯ ಕಾಲಮಾನ ರಾತ್ರಿ 8 ಗಂಟೆಗೆ ಪಂದ್ಯ ಆರಂಭವಾಗಲಿದೆ.

ಹಾಗೆಯೇ ಸರಣಿಯ ಕೊನೆಯ ಹಾಗೂ ಐದನೇ ಟಿ20 ಪಂದ್ಯಕ್ಕೂ ಇದೇ ಮೈದಾನ ಆತಿಥ್ಯವಹಿಸಲಿದ್ದು, ಆಗಸ್ಟ್ 12 ರಂದು ನಡೆಯಲ್ಲಿರುವ ಈ ಪಂದ್ಯ ಕೂಡ ಭಾರತೀಯ ಕಾಲಮಾನ ರಾತ್ರಿ 8 ಗಂಟೆಗೆ ಪಂದ್ಯ ಆರಂಭವಾಗಲಿದೆ.

ಈ ಲಾಡರ್‌ಹಿಲ್‌ನಲ್ಲಿ ಉಭಯ ತಂಡಗಳು ಆರು ಬಾರಿ ಮುಖಾಮುಖಿಯಾಗಿವೆ. ಇದರಲ್ಲಿ ಆತಿಥೇಯರು 3-2 ರಿಂದ ಮುನ್ನಡೆ ಸಾಧಿಸಿದ್ದಾರೆ. ಇಲ್ಲಿ ನಡೆದ ಮೊದಲ 4 ಪಂದ್ಯಗಳಲ್ಲಿ ವಿಂಡೀಸ್ ತಂಡ 3 ರಲ್ಲಿ ಗೆಲುವು ದಾಖಲಿಸಿದೆ. ಒಂದು ಪಂದ್ಯ ಯಾವುದೇ ಫಲಿತಾಂಶವಿಲ್ಲದೆ ಕೊನೆಗೊಂಡಿದೆ. ಮತ್ತೊಂದೆಡೆ, ಭಾರತವು 2022 ರಲ್ಲಿ ಇಲ್ಲಿ ಆಡಿದ ಕೊನೆಯ ಎರಡು ಪಂದ್ಯಗಳನ್ನು ಗೆದ್ದಿದೆ.

ಫ್ಲೋರಿಡಾದ ಮೈದಾನ ಸ್ಲೋ ಪಿಚ್ಗೆ ಹೆಸರುವಾಸಿಯಾಗಿರುವುದರಿಂದ ಮೂರನೇ ಟಿ20ಯಲ್ಲಿ ಆಡಿದ ತಂಡವೇ ನಾಲ್ಕನೇ ಪಂದ್ಯಕ್ಕೆ ವಿಂಡೀಸ್ ವಿರುದ್ಧ ಕಣಕ್ಕಿಳಿಯಲಿದೆ. ಸಂಜು ಸ್ಯಾಮ್ಸನ್ ವಿಕೆಟ್ ಕೀಪಿಂಗ್ ಪಾತ್ರವನ್ನು ಮುಂದುವರಿಸುವ ನಿರೀಕ್ಷೆಯಿದೆ.

ಇನ್ನು ಮುಂದಿನ ವರ್ಷ ನಡೆಯಲ್ಲಿರುವ ಟಿ20 ವಿಶ್ವಕಪ್ಗೆ ವೆಸ್ಟ್ ಇಂಡೀಸ್ ಹಾಗೂ ಅಮೇರಿಕಾ ಜಂಟಿಯಾಗಿ ಆತಿಥ್ಯವಹಿಸುತ್ತಿರುವುದರಿಂದ ಈ ಮೈದಾನದಲ್ಲಿ ನಡೆಯುವ ಎರಡು ಪಂದ್ಯಗಳು ಟೀಂ ಇಂಡಿಯಾಕ್ಕೆ ಬಹಳ ಮುಖ್ಯವಾಗಿವೆ.

Published On – 11:06 am, Thu, 10 August 23