EBM News Kannada
Leading News Portal in Kannada

ಏಕದಿನ ವಿಶ್ವಕಪ್​ಗಾಗಿ ಬೆಂಗಳೂರಿನಲ್ಲಿ ನೆದರ್​ಲೆಂಡ್ಸ್​ ತಂಡದ ಮಾಸ್ಟರ್​ ಪ್ಲ್ಯಾನ್ – Kannada News | Netherlands first team to arrive in India for World Cup 2023

0


ODI World Cup 2023: ಈ ಬಾರಿಯ ಏಕದಿನ ವಿಶ್ವಕಪ್​ ಅಕ್ಟೋಬರ್ 5 ರಿಂದ ಶುರುವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಇಂಗ್ಲೆಂಡ್ ಹಾಗೂ ನ್ಯೂಝಿಲೆಂಡ್ ತಂಡಗಳು ಮುಖಾಮುಖಿಯಾಗಲಿದೆ.

ಏಕದಿನ ವಿಶ್ವಕಪ್ (ODI World Cup 2023) ಆರಂಭಕ್ಕೆ ಇನ್ನು ದಿನಗಳು ಮಾತ್ರ ಉಳಿದಿವೆ. ಅಕ್ಟೋಬರ್ 5 ರಿಂದ ಶುರುವಾಗಲಿರುವ ಕ್ರಿಕೆಟ್ ಮಹಾಸಮರಕ್ಕಾಗಿ ನೆದರ್​ಲೆಂಡ್ಸ್ (Netherlands) ತಂಡವು ಮಾಸ್ಟರ್​ ಪ್ಲ್ಯಾನ್ ರೂಪಿಸಲು ಮುಂದಾಗಿದೆ. ಇದಕ್ಕಾಗಿ ಸೆಪ್ಟೆಂಬರ್ 19 ರಂದೇ ಬೆಂಗಳೂರಿಗೆ ಆಗಮಿಸಿದೆ. ಅಂದರೆ ಏಕದಿನ ವಿಶ್ವಕಪ್​ಗೂ ಮುಂಚಿತವಾಗಿ ನೆದರ್​ಲೆಂಡ್ಸ್ ತಂಡವು ಬೆಂಗಳೂರಿನಲ್ಲಿ ವಿಶೇಷ ಅಭ್ಯಾಸ ಶಿಬಿರ ಏರ್ಪಡಿಸಲಿದೆ.

ಈ ಬಗ್ಗೆ ಈಗಾಗಲೇ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಗೆ (KSCA) ಜೊತೆ ಚರ್ಚಿಸಿದ್ದು, ಅದರಂತೆ ಏಕದಿನ ವಿಶ್ವಕಪ್ ಆರಂಭಕ್ಕೂ 12 ದಿನಗಳು ಮುಂಚಿತವಾಗಿ ಆಲೂರಿನ ಕೆಎಸ್​ಸಿಎ ಕ್ರಿಕೆಟ್ ಮೈದಾನದಲ್ಲಿ ಅಭ್ಯಾಸದಲ್ಲಿ ತೊಡಗಿಸಿಕೊಳ್ಳಲಿದೆ ಎಂದು ಕ್ರಿಕ್​ಬಝ್ ವರದಿ ಮಾಡಿದೆ.

ಅರ್ಹತಾ ಸುತ್ತಿನ ಮೂಲಕ ಎಂಟ್ರಿ: ಈ ಬಾರಿಯ ಏಕದಿನ ವಿಶ್ವಕಪ್​ಗೆ ನೆದರ್​ಲೆಂಡ್ಸ್ ತಂಡವು ಅರ್ಹತಾ ಸುತ್ತಿನ ಮೂಲಕ ಎಂಟ್ರಿ ಕೊಟ್ಟಿದೆ. ಅದು ಕೂಡ ವೆಸ್ಟ್ ಇಂಡೀಸ್ (West Indies) ಹಾಗೂ ಝಿಂಬಾಬ್ವೆ (Zimbabwe) ತಂಡಗಳನ್ನು ಬಗ್ಗು ಬಡಿಯುವ ಮೂಲಕ ಎಂಬುದು ವಿಶೇಷ.

ಮೊದಲ ಪಂದ್ಯ: ನೆದರ್​ಲೆಂಡ್ಸ್​ ತಂಡವು ತನ್ನ ವಿಶ್ವಕಪ್ 2023 ಅಭಿಯಾನವನ್ನು ಪಾಕಿಸ್ತಾನದ ವಿರುದ್ಧ ಆರಂಭಿಸಲಿದೆ. ಈ ಪಂದ್ಯವು ಅಕ್ಟೋಬರ್ 6 ರಂದು ಹೈದರಾಬಾದ್‌ನಲ್ಲಿ ನಡೆಯಲಿದೆ.

ಟೀಮ್ ಇಂಡಿಯಾ ವಿರುದ್ಧದ ಪಂದ್ಯ: ನವೆಂಬರ್ 11 ರಂದು ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನೆದರ್​ಲೆಂಡ್ಸ್ ಹಾಗೂ ಭಾರತ ತಂಡಗಳು ಮುಖಾಮುಖಿಯಾಗಲಿದೆ.

ವಿಶ್ವಕಪ್​ ಕನಸು: ನೆದರ್​ಲೆಂಡ್ಸ್​ ತಂಡವು ಏಕದಿನ ವಿಶ್ವಕಪ್​ನಲ್ಲಿ ಕೇವಲ 4 ಬಾರಿ ಮಾತ್ರ ಕಾಣಿಸಿಕೊಂಡಿತ್ತು. 1996 ರಲ್ಲಿ ಚೊಚ್ಚಲ ವಿಶ್ವಕಪ್ ಆಡಿದ್ದ ಡಚ್ಚರು, ಆ ಬಳಿಕ 2003, 2007 ಮತ್ತು 2011 ರ ವಿಶ್ವಕಪ್​ನಲ್ಲಿ ಕಣಕ್ಕಿಳಿದಿದ್ದರು. ಇದೀಗ ಐದನೇ ಬಾರಿ ವಿಶ್ವಕಪ್​ ಕನಸಿನೊಂದಿಗೆ ಭಾರತಕ್ಕೆ ಬರಲಿದೆ.

ನೆದರ್​ಲೆಂಡ್ಸ್ ತಂಡದ ಏಕದಿನ ವಿಶ್ವಕಪ್ ವೇಳಾಪಟ್ಟಿ:

  1. ಅಕ್ಟೋಬರ್ 6- ನೆದರ್​ಲೆಂಡ್ಸ್ vs ಪಾಕಿಸ್ತಾನ್ (ಹೈದರಾಬಾದ್)
  2. ಅಕ್ಟೋಬರ್ 9- ನೆದರ್​ಲೆಂಡ್ಸ್ vs  ನ್ಯೂಝಿಲೆಂಡ್ (ಹೈದರಾಬಾದ್)
  3. ಅಕ್ಟೋಬರ್ 17- ನೆದರ್​ಲೆಂಡ್ಸ್ vs  ಸೌತ್ ಆಫ್ರಿಕಾ (ಧರ್ಮಶಾಲಾ)
  4. ಅಕ್ಟೋಬರ್ 21- ನೆದರ್​ಲೆಂಡ್ಸ್ vs  ಶ್ರೀಲಂಕಾ (ಲಕ್ನೋ)
  5. ಅಕ್ಟೋಬರ್ 25- ನೆದರ್​ಲೆಂಡ್ಸ್ vs ಆಸ್ಟ್ರೇಲಿಯಾ (ದೆಹಲಿ)
  6. ಅಕ್ಟೋಬರ್ 28- ನೆದರ್​ಲೆಂಡ್ಸ್ vs  ಬಾಂಗ್ಲಾದೇಶ್ (ಕೊಲ್ಕತ್ತಾ)
  7. ನವೆಂಬರ್ 3- ನೆದರ್​ಲೆಂಡ್ಸ್ vs ಅಫ್ಘಾನಿಸ್ತಾನ್ (ಲಕ್ನೋ)
  8. ನವೆಂಬರ್ 8- ನೆದರ್​ಲೆಂಡ್ಸ್ vs ಇಂಗ್ಲೆಂಡ್ (ಪುಣೆ)
  9. ನವೆಂಬರ್ 11- ನೆದರ್​ಲೆಂಡ್ಸ್ vs ಭಾರತ (ಬೆಂಗಳೂರು).

ಏಕದಿನ ವಿಶ್ವಕಪ್​ ವೇಳಾಪಟ್ಟಿ:

ಈ ಬಾರಿಯ ಏಕದಿನ ವಿಶ್ವಕಪ್​ ಅಕ್ಟೋಬರ್ 5 ರಿಂದ ಶುರುವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಇಂಗ್ಲೆಂಡ್ ಹಾಗೂ ನ್ಯೂಝಿಲೆಂಡ್ ತಂಡಗಳು ಮುಖಾಮುಖಿಯಾಗಲಿದೆ. ಹಾಗೆಯೇ ಫೈನಲ್ ಪಂದ್ಯವು ನವೆಂಬರ್ 19 ರಂದು ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಜರುಗಲಿದೆ. ಇನ್ನು ಟೀಮ್ ಇಂಡಿಯಾ ತನ್ನ ವಿಶ್ವಕಪ್ ಅಭಿಯಾನವನ್ನು ಅಕ್ಟೋಬರ್ 8 ರಂದು ಆರಂಭಿಸಲಿದ್ದು, ಚೆನ್ನೈನಲ್ಲಿ ನಡೆಯಲಿರುವ ತನ್ನ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಕಣಕ್ಕಿಳಿಯಲಿದೆ.

ಭಾರತ-ಪಾಕ್ (India vs Pakistan) ಮುಖಾಮುಖಿ ಯಾವಾಗ?

ಈ ಹಿಂದಿನ ವೇಳಾಪಟ್ಟಿಯಲ್ಲಿ ಅಕ್ಟೋಬರ್ 15 ರಂದು ಭಾರತ ಮತ್ತು ಪಾಕಿಸ್ತಾನ್ ತಂಡಗಳು ಮುಖಾಮುಖಿಯಾಗಬೇಕಿತ್ತು. ಆದರೆ ಇದೇ ದಿನದಂದು ನವರಾತ್ರಿ ಹಬ್ಬ ಕೂಡ ಶುರುವಾಗುತ್ತಿದೆ. ಅತ್ತ ಗುಜರಾತ್​​ನಾದ್ಯಂತ ಅಕ್ಟೋಬರ್ 15 ರಂದು ಗರ್ಬಾ ಕಾರ್ಯಕ್ರಮಗಳು ನಡೆಯಲಿದ್ದು, ಹೀಗಾಗಿ ಈ  ಪಂದ್ಯಕ್ಕೆ ಸೂಕ್ತ ಭದ್ರತಾ ವ್ಯವಸ್ಥೆ ಕಲ್ಪಿಸಲು ಸಾಧ್ಯವಾಗುವುದಿಲ್ಲ ಎಂದು ಅಹಮದಾಬಾದ್​ ಪೊಲೀಸರು ತಿಳಿಸಿದ್ದಾರೆ. ಹೀಗಾಗಿ ಅಕ್ಟೋಬರ್ 14 ರಂದು ಭಾರತ-ಪಾಕಿಸ್ತಾನ್ ಪಂದ್ಯ ನಡೆಸಲು ಬಿಸಿಸಿಐ ನಿರ್ಧರಿಸಿದ್ದು, ಹೊಸ ವೇಳಾಪಟ್ಟಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.

ತಾಜಾ ಸುದ್ದಿ

Leave A Reply

Your email address will not be published.