ನೆಹರೂ ವಾದಿಯಾಗಬೇಡಿ, ಅಡ್ವಾಣಿ ವಾದಿಗಳಾಗಿರಿ: ದೆಹಲಿ ಮಸೂದೆ ಕುರಿತು ಸಂಸತ್ನಲ್ಲಿ ರಾಘವ್ ಚಡ್ಡಾ – Kannada News | Don’t Be Nehru vadi Be Advani vadi AAP’s Raghav Chadha debate on the Delhi Services bill in parliament
ದೆಹಲಿ ಬಗ್ಗೆ ಬಿಜೆಪಿಯ ನಿಲುವು, ಅದರ ಅತ್ಯುನ್ನತ ನಾಯಕರಾದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಮತ್ತು ಎಲ್‌ಕೆ ಅಡ್ವಾಣಿ ಅವರ ಅಭಿಪ್ರಾಯಕ್ಕೆ ವ್ಯತಿರಿಕ್ತ ಆಗಿದೆ. ದೆಹಲಿಗೆ ಸಂಪೂರ್ಣ ರಾಜ್ಯ ಸ್ಥಾನಮಾನ ನೀಡುವಂತೆ ಬಿಜೆಪಿ 1977ರಿಂದ 2015ರವರೆಗೆ ಸುಮಾರು 40 ವರ್ಷಗಳ ಕಾಲ ಆಂದೋಲನ ನಡೆಸಿದೆ
ರಾಘವ್ ಚಡ್ಡಾ
ದೆಹಲಿ ಆಗಸ್ಟ್ 07: ಸೋಮವಾರ ಸಂಸತ್ನಲ್ಲಿ ದೆಹಲಿ ಸೇವಾ ಮಸೂದೆ (Delhi Services bill) ಬಗ್ಗೆ ಚರ್ಚೆಯ ವೇಳೆ ಆಮ್ ಆದ್ಮಿ (Aam Aadmi Party) ಪಕ್ಷದ ರಾಘವ್ ಚಡ್ಡಾ (Raghav Chadha) ಸರ್ಕಾರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದು, ಬಿಜೆಪಿ ತಮ್ಮ ನಾಯಕರಾದ ಅಟಲ್ ಬಿಹಾರಿ ವಾಜಪೇಯಿ ಮತ್ತು ಎಲ್‌ಕೆ ಅಡ್ವಾಣಿ ಅವರನ್ನು ಅನುಸರಿಸಲು ಸೂಚಿಸಿದ್ದಾರೆ. ದೆಹಲಿಯಲ್ಲಿ ಸತತವಾಗಿ ಹಲವು ಬಾರಿ ಸೋತಿರುವ ಬಗ್ಗೆ ಬಿಜೆಪಿ ವಾಸ್ತವವಾಗಿ ಫೆಡರಲಿಸಂ ಅನ್ನು ಉಲ್ಲಂಘಿಸುತ್ತಿದ್ದಾರೆ. ಅವರು ಸಂವಿಧಾನ ತಿದ್ದುಪಡಿ ಮಸೂದೆಯನ್ನು ಅಂಗೀಕರಿಸುವ ಅಡಚಣೆಯನ್ನು ದಾಟದೆ ಸಂವಿಧಾನವನ್ನು ಬದಲಾಯಿಸುತ್ತಿದ್ದಾರೆ ಎಂದು ಚಡ್ಡಾ ಆರೋಪಿಸಿದ್ದಾರೆ.
ದೆಹಲಿ ಸರ್ಕಾರದಿಂದ ಅಧಿಕಾರಶಾಹಿಗಳ ನಿಯಂತ್ರಣವನ್ನು ಕಸಿದುಕೊಳ್ಳುವ ಸುಗ್ರೀವಾಜ್ಞೆಯನ್ನು ಬದಲಿಸುವ ದೆಹಲಿಯ ರಾಷ್ಟ್ರೀಯ ರಾಜಧಾನಿ ಪ್ರದೇಶದ ಸರ್ಕಾರದ (ತಿದ್ದುಪಡಿ) ಮಸೂದೆ, 2023ಯನ್ನು ಈಗಾಗಲೇ ಲೋಕಸಭೆಯಲ್ಲಿ ಅನುಮೋದಿಸಿದ್ದು, ಇದನ್ನು ಇಂದು ಮೇಲ್ಮನೆಯಲ್ಲಿ ಚರ್ಚೆ ಮತ್ತು ಮತಕ್ಕಾಗಿ ಮಂಡಿಸಲಾಯಿತು.
ಪ್ರಸ್ತಾವಿತ ಕಾನೂನಿನಿಂದ ಹೆಚ್ಚು ಪರಿಣಾಮಕ್ಕೊಳಗಾಗುವ ಆಮ್ ಆದ್ಮಿ ಪಕ್ಷವು ಅದರ ವಿರುದ್ಧ ವಾರಗಟ್ಟಲೆ ಪ್ರಚಾರ ನಡೆಸುತ್ತಿದೆ. ನಡೆಯುತ್ತಿರುವ ಮುಂಗಾರು ಅಧಿವೇಶನದಲ್ಲಿ ಮಂಡಿಸುವ ನಿರೀಕ್ಷೆಯಿದ್ದ ಮಸೂದೆಯ ವಿರುದ್ಧ ಎಎಪಿ ಪ್ರತಿಪಕ್ಷಗಳನ್ನು ಒಟ್ಟುಗೂಡಿಸಿದೆ.
ಚುನಾಯಿತ ಸರ್ಕಾರವನ್ನು ಬದಿಗೊತ್ತಿ ಯಾವುದೇ ವಿರೋಧ ಪಕ್ಷದ ಆಡಳಿತವಿರುವ ರಾಜ್ಯದ ಆಡಳಿತದ ಅಧಿಕಾರವನ್ನು ಕಸಿದುಕೊಳ್ಳಲು ಉದ್ದೇಶಿತ ಕಾನೂನು ಒಂದು ಪೂರ್ವನಿದರ್ಶನವನ್ನು ಹೊಂದಿಸುತ್ತದೆ ಎಂದು ಎಎಪಿ ವಾದಿಸಿದೆ.
ಮಸೂದೆಯು ಹೊಣೆಗಾರಿಕೆಯ ತ್ರಿವಳಿ ಸರಪಳಿಯನ್ನು ಕೆಡವುತ್ತದೆ. ಇದರರ್ಥ ಅಧಿಕಾರಿಗಳು ಮುಖ್ಯಮಂತ್ರಿ ಅಥವಾ ಉಪಮುಖ್ಯಮಂತ್ರಿಗಳ ಮಾತನ್ನು ಕೇಳುವುದಿಲ್ಲ. ಅವರು ಲೆಫ್ಟಿನೆಂಟ್ ಗವರ್ನರ್ ಬಳಿಗೆ ಹೋಗುತ್ತಾರೆ. 25 ವರ್ಷಗಳಲ್ಲಿ, 2015 ಮತ್ತು 2020ರಲ್ಲಿಯೂ ಸಹ ಬಿಜೆಪಿ ಆರು ರಾಜ್ಯಗಳ ಚುನಾವಣೆಗಳನ್ನು ಕಳೆದುಕೊಂಡಿತು. ಮುಂದಿನ 25 ವರ್ಷಗಳಲ್ಲಿ ಅವರು ಯಾವುದೇ ಚುನಾವಣೆಗಳನ್ನು ಗೆಲ್ಲಲು ಸಾಧ್ಯವಿಲ್ಲ ಎಂದು ಅವರಿಗೆ ತಿಳಿದಿದೆ ಎಂದ ಚಡ್ಡಾ, ಬಿಜೆಪಿ ತನ್ನ ಪ್ರತಿನಿಧಿಯಾದ ಲೆಫ್ಟಿನೆಂಟ್ ಗವರ್ನರ್ ಮೂಲಕ ದೆಹಲಿಯನ್ನು ನಿಯಂತ್ರಿಸಲು ಪ್ರಯತ್ನಿಸುತ್ತಿದೆ ಎಂದು ಆರೋಪಿಸಿದ್ದಾರೆ.
ದೆಹಲಿ ಬಗ್ಗೆ ಬಿಜೆಪಿಯ ನಿಲುವು, ಅದರ ಅತ್ಯುನ್ನತ ನಾಯಕರಾದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಮತ್ತು ಎಲ್‌ಕೆ ಅಡ್ವಾಣಿ ಅವರ ಅಭಿಪ್ರಾಯಕ್ಕೆ ವ್ಯತಿರಿಕ್ತ ಆಗಿದೆ. ದೆಹಲಿಗೆ ಸಂಪೂರ್ಣ ರಾಜ್ಯ ಸ್ಥಾನಮಾನ ನೀಡುವಂತೆ ಬಿಜೆಪಿ 1977ರಿಂದ 2015ರವರೆಗೆ ಸುಮಾರು 40 ವರ್ಷಗಳ ಕಾಲ ಆಂದೋಲನ ನಡೆಸಿದೆ. ವಾಜಪೇಯಿ ಮತ್ತು ಉಪ ಪ್ರಧಾನಿ ಅಡ್ವಾಣಿ ಅವರು ದೆಹಲಿಗೆ ರಾಜ್ಯದ ಸ್ಥಾನಮಾನ ನೀಡುವ ಮಸೂದೆಯನ್ನು ತಂದರು. ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿಣಿಯು ದೆಹಲಿಗೆ ರಾಜ್ಯ ಸ್ಥಾನಮಾನ ನೀಡಲು ನಿರ್ಧರಿಸಿತು. ದೆಹಲಿಯನ್ನು ರಾಜ್ಯವನ್ನಾಗಿ ಮಾಡುತ್ತೇವೆ ಎಂದು ಬಿಜೆಪಿ ಜನರಿಗೆ ಭರವಸೆ ನೀಡುತ್ತಿದೆ.ಇದು 1989 ರಿಂದ ಪಕ್ಷದ ಪ್ರಣಾಳಿಕೆಯ ಭಾಗವಾಗಿತ್ತು ಎಂದು ಚಡ್ಡಾ ನೆನಪಿಸಿದ್ದಾರೆ.
I rise to oppose the #DelhiServiceBill on behalf of not just 2 crore Delhiites, but 135 crore Indians. pic.twitter.com/Z7hCiKOVq7
— Raghav Chadha (@raghav_chadha) August 7, 2023
ನೆಹರುವಾದಿಯಾಗಬೇಡಿ, ಅಡ್ವಾಣಿವಾದಿಯಾಗಿರಿ ಎಂದು ನಾನು ಅಮಿತ್ ಶಾ ಅವರಿಗೆ ಹೇಳಲು ಬಯಸುತ್ತೇನೆ ಎಂದಿದ್ದಾರೆ ಚಡ್ಡಾ.
ಬಿಜೆಪಿ ಸುಪ್ರೀಂಕೋರ್ಟ್‌ಗೆ ಅವಮಾನ ಮಾಡಿದೆ ಎಂದು ಹಿರಿಯ ಎಎಪಿ ನಾಯಕ ಆರೋಪಿಸಿದ್ದಾರೆ. ಸುಪ್ರೀಂಕೋರ್ಟ್ ಆದೇಶದ ವಿರುದ್ಧ ನೀವು ಹೋಗಬೇಕಾದ ಬಿಕ್ಕಟ್ಟು ಏನು? ಇದು ದೇಶದ ಸರ್ವೋಚ್ಚ ನ್ಯಾಯಾಲಯಕ್ಕೆ ಮಾಡಿದ ಅವಮಾನವಾಗಿದೆ. ಸುಪ್ರೀಕೋರ್ಟ್ ಏನು ಹೇಳುತ್ತದೆ ಎಂಬುದರ ಬಗ್ಗೆ ಬಿಜೆಪಿಗೆ ಸಂದೇಶ ನೀಡಲಾಯಿತು, ಅವರು ಸುಪ್ರೀಂಕೋರ್ಟ್‌ಗೆ ಸವಾಲು ಹಾಕಿದ್ದಾರೆ ಎಎಪಿ ಸರ್ಕಾರದ ಪರವಾಗಿ ಸುಪ್ರೀಂಕೋರ್ಟ್ ತೀರ್ಪಿನ ಕೇವಲ ಒಂದು ವಾರದ ನಂತರ ಜಾರಿಗೆ ಬಂದ ಕಾರ್ಯಕಾರಿ ಆದೇಶವನ್ನು ಸೂಚಿಸಿ ಅವರು ಹೇಳಿದರು.
ಸುಗ್ರೀವಾಜ್ಞೆ ಮತ್ತು ಅದನ್ನು ಬದಲಿಸುವ ಉದ್ದೇಶಿತ ಕಾನೂನು ದೆಹಲಿಯ ಆಡಳಿತಾತ್ಮಕ ನಿಯಂತ್ರಣವನ್ನು ಚುನಾಯಿತ ಸರ್ಕಾರಕ್ಕೆ ಬಿಟ್ಟುಕೊಟ್ಟ ಸುಪ್ರೀಂಕೋರ್ಟ್ ಆದೇಶವನ್ನು ಅತಿಕ್ರಮಿಸುತ್ತದೆ. ಕೇಂದ್ರ ಸರ್ಕಾರ ಮತ್ತು ಅರವಿಂದ ಕೇಜ್ರಿವಾಲ್ ಸರ್ಕಾರದ ನಡುವಿನ ಎಂಟು ವರ್ಷಗಳ ಜಗಳದ ನಂತರ, ಚುನಾಯಿತ ಸರ್ಕಾರ ದೆಹಲಿಯ ಮುಖ್ಯಸ್ಥ ಎಂದು ಸುಪ್ರೀಂಕೋರ್ಟ್ ತೀರ್ಪು ನೀಡಿತ್ತು.
ಸುಗ್ರೀವಾಜ್ಞೆಯು ರಾಷ್ಟ್ರೀಯ ರಾಜಧಾನಿ ನಾಗರಿಕ ಸೇವೆಗಳ ಪ್ರಾಧಿಕಾರವನ್ನು ರಚಿಸಿತು, ಇದು ದೆಹಲಿಯಲ್ಲಿ ಸೇವೆ ಸಲ್ಲಿಸುತ್ತಿರುವ ಅಧಿಕಾರಿಗಳ ಪೋಸ್ಟಿಂಗ್ ಮತ್ತು ವರ್ಗಾವಣೆಯ ಕಾರ್ಯವನ್ನು ಹೊಂದಿದೆ. ಮುಖ್ಯಮಂತ್ರಿ, ಮುಖ್ಯ ಕಾರ್ಯದರ್ಶಿ ಮತ್ತು ಪ್ರಧಾನ ಗೃಹ ಕಾರ್ಯದರ್ಶಿ ಸಮಸ್ಯೆಗಳ ಬಗ್ಗೆ ಮತ ಚಲಾಯಿಸುವ ಸದಸ್ಯರಾಗಿರುತ್ತಾರೆ. ಅಂತಿಮ ತೀರ್ಪುಗಾರರು ಲೆಫ್ಟಿನೆಂಟ್ ಗವರ್ನರ್ ಆಗಿರುತ್ತಾರೆ.
Published On – 8:28 pm, Mon, 7 August 23
