ಸಲ್ಮಾನ್ ಖಾನ್ ಕಂಠದಲ್ಲಿ ‘ಪ್ಯಾರ್ ಕರೋನಾ‘ ಹಾಡು; ಕೊರೋನಾ ಜಾಗೃತಿ ಮೂಡಿಸಲು ಮುಂದಾದ ಬಾಲಿವುಡ್ ಭಾಯ್ ಜಾನ್
ಬಾಲಿವುಡ್ ಭಾಯ್ ಜಾನ್ ಸಲ್ಮಾನ್ ಖಾನ್ ಇತ್ತೀಚೆಗೆ ಯ್ಯೂಟೂಬ್ ಚಾನೆಲ್ ಅನ್ನು ಪ್ರಾರಂಭಿಸಿರುವ ವಿಚಾರ ಎಲ್ಲರಿಗೂ ಗೊತ್ತಿದೆ. ಇದೀಗ ಆ ಯ್ಯೂಟೂಬ್ ಚಾನೆಲ್ನಲ್ಲಿ ಹಾಡೊಂದನ್ನು ಬಿಡುಗಡೆ ಮಾಡಲು ಸಲ್ಮಾನ್ ಖಾನ್ ಪ್ಲಾನ್ ಪ್ಲಾನ್ ಮಾಡಿದ್ದಾರೆ.
ಕೊರೋನಾ ಕುರಿತು ಜಾಗೃತಿ ಮೂಡಿಸುವ ಸಲುವಾಗಿ ‘ಪ್ಯಾರ್ ಕರೋನಾ‘ ಎಂಬ ಹಾಡನ್ನು ತಮ್ಮ ಯ್ಯೂಟೂಬ್ ಚಾನೆಲ್ನಲ್ಲಿ ಬಿಡುಗಡೆ ಮಾಡಲಿದ್ದಾರೆ. ವಿಶೇಷವೆಂದರೆ ಈ ಹಾಡಿಗೆ ಸಲ್ಮಾನ್ ಖಾನ್ ಸಾಹಿತ್ಯ ಬರೆಯುವುದರ ಜೊತೆಗೆ ಧ್ವನಿಯನ್ನು ನೀಡಿದ್ದಾರೆ. ಹಾಡಿನಲ್ಲಿ ಕೊರೋನಾ ಜಾಗೃತಿಯ ಜೊತೆಗೆ ಕೊರೋನಾ ವಾರಿಯರ್ ಬಗ್ಗೆಯೂ ಸಾಹಿತ್ಯವನ್ನು ಗೀಚಿದ್ದಾರಂತೆ.
ಈಗಾಗಲೇ ‘ಪ್ಯಾರ್ ಕರೋನಾ‘ ಹಾಡಿನ ಸಣ್ಣ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಬ್ಲಾಕ್ ಆ್ಯಂಡ್ ವೈಟ್ ಕಲರಿಂಗ್ನಲ್ಲಿರುವ ಈ ಟೀಸರ್ ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ. ಸಾಜಿದ್ ವಜಿದ್ ಅವರು ಈ ಹಾಡಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಸೋಮವಾರದಂದು ‘ಪ್ಯಾರ್ ಕರೋನಾ‘ ಹಾಡು ಸಲ್ಮಾನ್ ಖಾನ್ ಅವರ ಯ್ಯೂಟೂಬ್ ಚಾನೆಲ್ನಲ್ಲಿ ರಿಲೀಸ್ ಆಗಲಿದೆ.
