Ultimate magazine theme for WordPress.

ವಿಶ್ವಕಪ್‌ ಫುಟ್ಬಾಲ್‌: ಡ್ರಾಗೆ ತೃಪ್ತಿಪಟ್ಟ ಆಸ್ಟ್ರೇಲಿಯಾ-ಡೆನ್ಮಾರ್ಕ್‌

5,538

ಸಮರ (ರಷ್ಯಾ) : ಕ್ರಿಸ್ಟಿಯಾನ್‌ ಎರಿಕ್ಸೆನ್‌ ಮತ್ತು ಮೈಲ್‌ ಜೆಡಿನಾಕ್‌ ಅವರ ತಲಾ ಒಂದು ಗೋಲಿನ ನೆರವಿನಿಂದ ಡೆನ್ಮಾರ್ಕ್‌ ಮತ್ತು ಆಸ್ಪ್ರೇಲಿಯಾ ತಂಡಗಳು ಇಲ್ಲಿ ನಡೆದ ಫಿಫಾ ವಿಶ್ವಕಪ್‌ ಫುಟ್ಬಾಲ್‌ ಟೂರ್ನಿಯ ತಮ್ಮ ದ್ವಿತೀಯ ಪಂದ್ಯದಲ್ಲಿ ಡ್ರಾ ಮಾಡಿಕೊಂಡು ಅಂಕ ಹಂಚಿಕೊಂಡೆವು.

ಇಲ್ಲಿನ ಸಮರ ಅರೆನಾದಲ್ಲಿ ಗುರುವಾರ ನಡೆದ ‘ಸಿ’ ಗುಂಪಿನ ಪಂದ್ಯದಲ್ಲಿ ಉಭಯ ತಂಡಗಳು ಸಮಬಲ ಸಾಧಿಸಲಷ್ಟೇ ಶಕ್ತಗೊಂಡವು. ತಲಾ ಒಂದು ಗೆಲುವು ಮತ್ತು ಡ್ರಾ ಮಾಡಿಕೊಂಡಿರುವ ಡೆನ್ಮಾರ್ಕ್‌, ಸದ್ಯ ನಾಲ್ಕು ಅಂಕ ಕಲೆಹಾಕಿದ್ದು, ಅಂತಿಮ ಲೀಗ್‌ ಪಂದ್ಯದಲ್ಲಿ ಫ್ರಾನ್ಸ್‌ ವಿರುದ್ಧ ಕನಿಷ್ಠ ಡ್ರಾ ಮಾಡಿಕೊಂಡರೂ 16ರ ಘಟ್ಟಕ್ಕೆ ತಲುಪುವುದು ಖಾತ್ರಿಯಾಗಿದೆ. ಆದರೆ ಆಸ್ಪ್ರೇಲಿಯಾ ಆಡಿದ ಎರಡು ಪಂದ್ಯಗಳಲ್ಲಿ ಕೇವಲ ಒಂದು ಅಂಕ ಹೊಂದಿದ್ದು, 16ರ ಹಂತವನ್ನು ಜೀವಂತವಾಗಿರಿಸಿಕೊಳ್ಳಬೇಕಾದರೆ ತನ್ನ ಕೊನೆಯ ಲೀಗ್‌ ಪಂದ್ಯದಲ್ಲಿ ಪೆರು ವಿರುದ್ಧ ಗೆಲ್ಲಲೇಬೇಕಾದ ಒತ್ತಡಕ್ಕೆ ಒಳಗಾಗಿದೆ.

ಪಂದ್ಯ ಆರಂಭಗೊಳ್ಳುತ್ತಿದ್ದಂತೆಯೇ ಡೆನ್ಮಾರ್ಕ್‌ ಮತ್ತು ಆಸ್ಪ್ರೇಲಿಯಾ ಮುನ್ನಡೆಗೆ ಯತ್ನಿಸಿದವು. ಇದರ ಫಲವಾಗಿ ಡೆನ್ಮಾರ್ಕ್‌ 7ನೇ ನಿಮಿಷದಲ್ಲಿ ವಿಶ್ವಕಪ್‌ನಲ್ಲೇ ಸುಂದರವಾದ ಗೋಲ್‌ ಗಳಿಸಿ 1-0 ಅಂತರದ ಮುನ್ನಡೆ ಗಳಿಸಿತು. ಆ್ಯರೊನ್‌ ಮೂರಿ ಪೆನಾಲ್ಟಿ ವಲಯದಲ್ಲಿ ಚೆಂಡನ್ನು ಸಮರ್ಪಕವಾಗಿ ತಡೆಯುವಲ್ಲಿ ವಿಫಲಗೊಂಡರು. ಈ ವೇಳೆ ಚೆಂಡನ್ನು ನಿಯಂತ್ರಣಕ್ಕೆ ಪಡೆದ ನಿಕೊಲಾಯ್‌ ಜೊರ್ಗೆನ್ಸೆನ್‌ ಸಹ ಆಟಗಾರ ಎರಿಕ್ಸೆನ್‌ ಬಳಿ ದೂಡಿದರು. ಯಾವುದೇ ತಪ್ಪು ಮಾಡದ ಎರಿಕ್ಸೆನ್‌ ಹೆಡರ್‌ ಮೂಲಕ ಚೆಂಡನ್ನು ಗೋಲ್‌ ಪೆಟ್ಟಿಗೆ ಸೇರಿಸಿ ತಂಡದ ಸಂಭ್ರಮಕ್ಕೆ ಕಾರಣರಾದರು. ಇದರೊಂದಿಗೆ ಡೆನ್ಮಾರ್ಕ್‌ ಪರ ಆಡಿದ ಕಳೆದ 15 ಪಂದ್ಯಗಳಲ್ಲಿ ಎರಿಕ್ಸೆನ್‌ 13ನೇ ಗೋಲ್‌ ದಾಖಲಿಸಿದರು.

ಕೆಲವೇ ನಿಮಿಷಗಳ ಅಂತರದಲ್ಲಿ ಜೊರ್ಗೆನ್ಸೆನ್‌, ಡೆನ್ಮಾರ್ಕ್‌ ಮುನ್ನಡೆಯನ್ನು ವಿಸ್ತರಿಸಲು ಅದ್ಭುತ ಸಾಹಸ ಮಾಡಿದರು. ಆದರೆ ಫಲ ದೊರೆಯಲಿಲ್ಲ. ಈ ಮಧ್ಯೆ ಆಸ್ಪ್ರೇಲಿಯಾ ತಂಡ ವಿಡಿಯೋ ಅಸಿಸ್ಟೆಂಟ್‌ ರೆಫರಿ ನೆರವಿನಿಂದ ಪೆನಾಲ್ಟಿ ಗೋಲಿನ ಅವಕಾಶ ಗಿಟ್ಟಿಸಿತು. ಆಸೀಸ್‌ನ ಮ್ಯಾಥ್ಯೂ ಲೆಕೆಸ್‌ ಹೆಡರ್‌ ಮೂಲಕ ಗೋಲಿನ ಯತ್ನ ಮಾಡಿದರು. ಆದರೆ ಇದನ್ನು ತಡೆಯುವ ಯತ್ನದಲ್ಲಿ ಡೆನ್ಮಾರ್ಕ್‌ನ ಯೂಸಫ್‌ ಪೌಲ್ಸೆನ್‌ ಪ್ರಮಾದವೆಸಗಿದರು. ಇದನ್ನು ಆರಂಭದಲ್ಲಿ ರೆಫರಿ ಆ್ಯಂಟಿನೊ ಮಟೆವ್‌ ನಿರಾಕರಿಸಿದರೂ ಎದುರಾಳಿ ತಂಡದ ಮನವಿ ಮೇರೆಗೆ ವಿಎಆರ್‌ನಲ್ಲಿ ಪರಿಶೀಲಿಸಿದರು. ಬಳಿಕ ಪ್ರಮಾದವೆಸಗಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಪೆನಾಲ್ಟಿ ಅವಕಾಶ ಗಳಿಸಿದ ಆಸ್ಪ್ರೇಲಿಯಾ ಪರ ಜೆಡಿನಾಕ್‌ 38ನೇ ನಿಮಿಷದಲ್ಲಿ ಗೋಲ್‌ ಗಳಿಸಿ ಹೋರಾಟವನ್ನು 1-1ರಲ್ಲಿ ಸಮಬಲಗೊಳಿಸಿದರು.

Leave A Reply

Your email address will not be published.