Ultimate magazine theme for WordPress.

2018 ಬಿಎಂಡಬ್ಲ್ಯು ಎಕ್ಸ್3 ಎಕ್ಸ್‌ಡ್ರೈವ್30ಐ ಬಿಡುಗಡೆ

8,420

ಹೊಸದಿಲ್ಲಿ: ಜರ್ಮನಿಯ ಪ್ರೀಮಿಯಂ ವಾಹನ ಸಂಸ್ಥೆ ಬಿಎಂಡಬ್ಲ್ಯು, ದೇಶದಲ್ಲಿ ಅತಿ ನೂತನ ಬಿಎಂಡಬ್ಲ್ಯು ಎಕ್ಸ್3 ಎಕ್ಸ್‌ಡ್ರೈವ್30ಐ ಕ್ರೀಡಾ ಬಳಕೆಯ ವಾಹನವನ್ನು ಬಿಡುಗಡೆಗೊಳಿಸಿದೆ.

ಬೆಲೆ: 56.9 ಲಕ್ಷ ರೂ. (ಎಕ್ಸ್ ಶೋ ರೂಂ)

ಎರಡು ತಿಂಗಳ ಹಿಂದೆಯಷ್ಟೇ 2.0 ಲೀಟರ್, 190ಪಿಎಸ್ ಸಾಮರ್ಥ್ಯದ ಬಿಎಂಡಬ್ಲ್ಯು ಎಕ್ಸ್‌3 (ಎಕ್ಸ್‌ಡ್ರೈವ್20ಡಿ) ದೇಶದ ರಸ್ತೆಗಿಳಿದಿತ್ತು. ಇದೀಗ ನೂತನ ಬಿಎಂಡಬ್ಲ್ಯು ಎಕ್ಸ್‌ಡ್ರೈವ್30ಐ ಮಾದರಿಯು 2.0 ಲೀಟರ್ ಫೋರ್ ಸಿಲಿಂಡರ್ ಟರ್ಬೊ ಪೆಟ್ರೋಲ್ ಎಂಜಿನ್ ಪಡೆಯಲಿದೆ.

ಎಂಟು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರುವ ಹೊಸ ಕಾರು, 350ಎನ್‌ಎಂ ತಿರುಗುಬಲದಲ್ಲಿ 252 ಅಶ್ವಶಕ್ತಿಯನ್ನು ಉತ್ಪಾದಿಸಲಿದ್ದು, ಆಲ್ ವೀಲ್ ಡ್ರೈವ್ ವ್ಯವಸ್ಥೆಯನ್ನು ಪಡೆದಿದೆ.

ವೇಗವರ್ಧನೆ: 6.3 ಸೆಕೆಂಡುಗಳಲ್ಲೇ 0-100 kmph

ಸ್ಟ್ಯಾರ್ಟ್-ಸ್ಟಾಪ್ ಕ್ರಿಯಾತ್ಮಕತೆ, ಪುನರುತ್ಪಾದಕ ಬ್ರೇಕಿಂಗ್ ಹಾಗೂ ನಾಲ್ಕು ಚಾಲನಾ ವಿಧಗಳನ್ನು ಪಡೆಯಲಿದೆ.

ಮೂರನೇ ತಲೆಮಾರಿಯ ಮಾದರಿಯು ಹಿಂದಿನ ಮಾದರಿಗಿಂತಲೂ 55 ಕೆ.ಜಿಗಳಷ್ಟು ಹಗುರ ಭಾರವನ್ನು ಹೊಂದಿರಲಿದೆ. ಹಾಗಿದ್ದರೂ ಒಟ್ಟಾರೆಯ ಆಯಾಮದಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಹಾಗೆಯೇ ಗರಿಷ್ಠ ಸ್ಥಳವಕಾಶವನ್ನು ಕಾಯ್ದುಕೊಳ್ಳಲಾಗಿದೆ.

ಲಗ್ಷುರಿ ಲೈನ್ ಟ್ರಿಮ್ ಜತೆ 19 ಇಂಚುಗಳ ಚಕ್ರಗಳು, ರಿಮೋಟ್ ಪಾರ್ಕಿಂಗ್‌ಗಾಗಿ ಡಿಸ್‌ಪ್ಲೇ ಕೀ, 360 ಡಿಗ್ರಿ ಕ್ಯಾಮೆರಾ ವ್ಯೂ ಜತೆ ಪಾರ್ಕ್ ಅಸಿಸ್ಟ್, ಇನ್ಪೋಟೈನ್ಮೆಂಟ್ ಸಿಸ್ಟಂಗಾಗಿ ಗೆಸ್ಟರ್ ಕಂಟ್ರೋಲ್, ವೈರ್‌ಲೆಸ್ ಚಾರ್ಜಿಂಗ್ ಹಾಗೂ ವೆಲ್‌ಕಮ್ ಲೈಟ್ ಕಾರ್ಪೆಟ್ ಇತ್ಯಾದಿ ವೈಶಿಷ್ಟ್ಯಗಳು ಸೇರಿರಲಿದೆ.

ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಆರು ಏರ್‌ಬ್ಯಾಗ್, ಎಲೆಕ್ಟ್ರಿಕ್ ಪಾರ್ಕಿಂಗ್ ಬ್ರೇಕ್ ಜತೆ ಆಟೋ ಹೋಲ್ಡ್, ಸೈಡ್ ಇಂಪಾಕ್ಟ್ ಪ್ರೊಟೆಕ್ಷನ್, ಕ್ರಾಶ್ ಸೆನ್ಸಾರ್, ಎಲೆಕ್ಟ್ರಾನಿಕ್ ವೆಹಿಕಲ್ ಇಂಮೊಬಿಲೈಜರ್, ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಕಾರ್ನರಿಂಗ್ ಬ್ರೇಕ್ ಕಂಟ್ರೋಲ್, ಅಸಿಸ್ಟನ್ಸ್, ಐಸೋಫಿಕ್ಸ್ ಚೈಲ್ ಸೀಟ್ ಮೌಟಿಂಗ್ ವ್ಯವಸ್ಥೆಯು ಇರಲಿದೆ.

ಪ್ರತಿಸ್ಪರ್ಧಿಗಳು:
ಮರ್ಸಿಡಿಸ್ ಬೆಂಝ್ ಜಿಎಲ್‌ಸಿ 300 4ಮ್ಯಾಟಿಕ್,
ಲ್ಯಾಂಡ್ ರೋವರ್ ಡಿಸ್ಕವರಿ ಸ್ಪೋರ್ಟ್ ಎಸ್‌ಎಸ್‌ಇ,
ಲೆಕ್ಸಸ್ ಎನ್‌ಎಕ್ಸ್ 300h ಹೈಬ್ರಿಡ್ ಎಸ್‌ಯುವಿ

Leave A Reply

Your email address will not be published.