ಕೊಲೆ ಪ್ರಕರಣದಲ್ಲಿ 17 ವರ್ಷ ಜೈಲಿನಲ್ಲಿದ್ದ ಅಮೀರ್ ಖಾನ್ಗೆ ಕೊನೆಗೂ ಸಿಕ್ಕಿತು ಮುಕ್ತಿ!
ಕೊಲೆ ಪ್ರಕರಣದಲ್ಲಿ ಜೈಲು ಪಾಲಾಗಿದ್ದ ಅಮೀರ್ ಖಾನ್ಗೆ ಕೊನೆಗೂ ಮುಕ್ತಿ ಸಿಕ್ಕಿದೆ. 17 ವರ್ಷದ ಕೇಸ್ನಿಂದ ಅಮೀರ್ ಖಾನ್ ಹೊರ ಬಂದಿದ್ದಾರೆ. ಹಾಗಿದ್ದರೆ ಅಮೀರ್ ಖಾನ್ ಯಾವಾಗ ಕೊಲೆ ಕೇಸ್ನಲ್ಲಿ ಸಿಲುಕಿಕೊಂಡಿದ್ದರು? ಈ ವಿಚಾರ ಇಷ್ಟರವರೆಗೆ ಬೆಳಕಿಗೆ ಯಾಕೆ ಬಂದಿಲ್ಲಾ? ಎಂಬ ಪ್ರಶ್ನೆಗಳು ಮೂಡಿರಬಹುದು. ಹಾಗಂತ ಕನ್ಪ್ಯೂಸ್ ಆಗ್ಬೇಡಿ..ಇದು ಬಾಲಿವುಡ್ ನಟ ಅಮೀರ್ ಖಾನ್ ಅಲ್ಲ, ಪಾಕಿಸ್ತಾನದ ಎಂಕ್ಯೂಎಂ ನಾಯಕ ಅಮೀರ್ ಖಾನ್!. ಪಾಕಿಸ್ತಾನ ಮಾಧ್ಯವೊಂದು ಈ ಸುದ್ದಿಗೆ ಬಾಲಿವುಡ್ ನಟ ಅಮೀರ್ ಖಾನ್ನ ಫೋಟೋ ಬಳಸಿ ಎಡವಟ್ಟು ಮಾಡಿಕೊಂಡಿದೆ.
ಪಾಕಿಸ್ತಾನದಲ್ಲಿ ಅಮೀರ್ ಖಾನ್ ಎಂಬವರು ಕೊಲೆ ಪ್ರಕರಣದಲ್ಲಿ ಜೈಲು ಸೇರಿದ್ದರು. 17 ವರ್ಷಗಳ ನಂತರ ಅವರ ಬಿಡುಗಡೆಯಾಗುತ್ತದೆ. ಈ ವಿಚಾರವನ್ನು ಪ್ರಸಾರ ಮಾಡುವ ಸಂದರ್ಭದಲ್ಲಿ ಬಾಲಿವುಡ್ ನಟ ಅಮೀರ್ ಖಾನ್ ಫೋಟೋ ಹಾಕಿ ಅಲ್ಲಿನ ಮಾಧ್ಯಮವೊಂದು ಸುದ್ದಿ ಪ್ರಸಾರ ಮಾಡಿದ್ದು, ಬಳಿಕ ಕ್ಷಮಾಪಣೆ ಕೇಳಿದೆ. ಸಾಮಾಜಿಕ ಜಾಲತಾಣದಲ್ಲೂ ಈ ಫೋಟೋ ವೈರಲ್ ಆಗಿದೆ.
ಪಾಕ್ ಪತ್ರಕರ್ತೆ ನೈಲಾ ಇನಾಯತ್ ಎಂಬಾಕೆ ಈ ಪೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. 17 ವರ್ಷದ ನಂತರ ಎಂಕ್ಯೂಎಂ ನಾಯಕ ಅಮೀರ್ ಖಾನ್ ಕೊಲೆ ಪ್ರಕರಣದಿಂದ ಹೊರಬಂದಿದ್ದಾರೆ. ಭಾರತೀಯ ನಟ ಅಮೀರ್ ಖಾನ್ 17 ವರ್ಷ ಪಾಕಿಸ್ತಾನದಲ್ಲಿದ್ದರು ಎಂದು ತಿಳಿದಿರಲಿಲ್ಲ ಎಂದು ಬರೆದುಕೊಂಡಿದ್ದಾರೆ.
